Plantun de Prouvènço

Pèr coumpara dos planto d'encò nostre

Prunus brigantina & Ionopsidium glastifolium

Afatoulié

Prunus brigantina

Rosaceae

Àutri noum : Afatounié, Afatourié, Afàtou.

Nom en français : Prunier de Briançon.

Descripcioun :
L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.

Usanço :
Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Sebisso - Prado
Estànci : Subremediterran à Mountagnard
Couroulougi : Pancaro entresigna
Ref. sc. : Prunus brigantina Vill., 1786

Cransoun(-à-fueio-de-tenchuriero)

Ionopsidium glastifolium

Brassicaceae Cruciferae

Nom en français : Cranson à feuilles de pastel.

Descripcioun :
Lou cransoun-à-fueio-de-tenchuriero es uno grando erbo que pòu faire fin qu'à 1,5 m. Se rescontro dins li palun e li sagnas pas trop liuen de la mar (aigo-sau). Se recounèis à si fueio entiero qu'embrasson la cambo emé douas auriheto. Li siliculo an un estile courtet e caupon de grano emé d'espineto. Pèr d'ùni la planto sarié naturalisado, mai èi couneigudo en Prouvènço desempièi l'an pebre.

Usanço :
Couneissèn pas d'usanço particuliero, pamens estènt un caulet, dèu èstre manjadis. Coume es apara lou miés èi de lou regarda.

Port : Erbo
Taio : 30 à 150 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Ionopsidium
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 5
Ø (o loungour) enflourejado : 2 à 8 cm
Flourido : Printèms - Estiéu

Sòu : Ca
Autour basso e auto : 0 à 100 m
Aparado : Vo
Mai à avoust

Liò : Palun - Sagnas
Estànci : Mesoumediterran
Couroulougi : Estenoumediterrano-Ouèst
Ref. sc. : Ionopsidium glastifolium (L.) M.Koch, 2012 (= Cochlearia glastifolia L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Prunus brigantina & Ionopsidium glastifolium

ges

Coumpara Afatoulié emé uno autro planto

Coumpara Cransoun(-à-fueio-de-tenchuriero) emé uno autro planto